Lajme Shqipëria

Rama për CNN: Do të strehojmë rreth 4,000 afganë në Shqipëri

Kryeministri i Shqipërisë, Edi Rama, në një intervistë për CNN, bëri me dije se numri i afganëve që do të strehojë Shqipëria është rreth 4,000.

Sipas tij, fillimisht do të vijnë 2,000, që do të pasohen nga 2,000 të tjerë.

“2000 që janë listuar dhe 2,000 të tjerë që ne po punojmë për t’i pritur. Do jenë rreth 4,000 mijë”, tha Rama.

Qeveria e Shqipërisë ka ngritur task-forcën për menaxhimin e afganëve në Shqipëri.

Në mbledhjen e saj të fundit, kabineti qeveritar Rama miratoi ngritjen e kësaj task force që do të kryesohet nga dikasteri për punët e Jashtme dhe përbëhet nga: Ministria e Brendshme, Ministria e Mbrojtjes, Ministria e Financave dhe Ekonomisë, Ministria e Arsimit, Sportit dhe Rinisë, Ministria e Shëndetësisë dhe Mbrojtjes Sociale, Ministria e Turizmit dhe Mjedisit.

Ky është vendimi i parë që shteti shqiptar ndërmarr pas deklaratave publike dhe parashikon dhënien e mbrojtjes së përkohshme ndaj afganëve.

Me këtë status, afganët do të kenë të drejtë të qëndrojnë për një vit në Shqipëri, ndërsa Qeveria i njeh vetes të drejtën të kufizojë lëvizjet e tyre nëse do t’i nevojitet.

Prej më shumë se dy javësh shteti shqiptar është angazhuar të presë një numër refugjatësh nga Afganistani që do të qëndrojnë në Tiranë, Durrës dhe Berat./A2/

Advertisement Small

Radio Nostalgjia

Radio Nostalgjia është Radio me seli në Zvicer, kryesisht jemi një radio me platform vetëm online dhe mundohemi ti argetojmë mira shqipëtarë anë e mbanë botës. Jemi shumë te lidhur edhe me diasporen tonë të dashur, të cilet kanë kontribuar dhe po kontribojnë shumë në trojet shqipëtare.