Diaspora

Dua Lipa drekon në restorantin shqiptar “Çka ka qëllu” në Nju-Jork

Dua Lipa e mbyll vitin e suksesshëm në restorantin shqiptar “Çka ka qëllu” në Nju-Jork. Ajo ka arritur të fitojë tri çmime vetëm në një mbrëmje, dy në Spanjë dhe një në Francë, shkruan albinfo.ch.

Lipa ka arritur të rrëmbejë çmimet “Albumi ndërkombëtar më i mirë” dhe “Artistja ndërkombëtare më e mirë” në “Los Mucis Awards 2020” në Spanjë. Gjithashtu arriti të rrëmbejë çmimin “Artistja ndërkombëtare femër” në “NRJ Music Awards”, Francë.

Këngëtarja e mirënjohur e skenës botërore këtë fundvit ka zgjedhur të drekojë sërish me të dashurin dhe miq të saj në restorantin e famshëm shqiptar në Bronx New York që mban emrin “Çka ka qëllu”, të Ramiz Kukaj. Duhet theksuar se ky restoran kohë më parë nga “The New York Times” u shpall një nga 10 restorantet e reja më të mira njujorkeze, shkruan tutje albinfo.ch.

Sot bëhen 3 vjet që ‘Çka ka qëllu’ hapi dyert për herë të parë, me synimin për të shfaqur kulturën shqiptare në Shtetet e Bashkuara.

“Jemi të bekuar që mbështetemi nga njerëz kaq të mrekullueshëm dhe frymëzues që kanë arritur sukses të madh, ndërsa ende i kujtojmë rrënjët e tyre. Një nga këta njerëz është Dua Lipa! Faleminderit si gjithmonë që na tregoi mbështetjen e saj, dhe vazhdimisht na bëri krenarë të gjithëve me suksesin e saj. Ajo është me të vërtetë një dritë dhe ne jemi gjithmonë të nderuar që e kemi ndaluar”, është shprehur stafi i këtij restoranti. /Albinfo.ch

Fotografia e Çka Ka Qëllu

Fotografia e Çka Ka Qëllu

About the author

admin

Komento

Click here to post a comment

Advertisement Small

Radio Nostalgjia

Radio Nostalgjia është Radio me seli në Zvicer, kryesisht jemi një radio me platform vetëm online dhe mundohemi ti argetojmë mira shqipëtarë anë e mbanë botës. Jemi shumë te lidhur edhe me diasporen tonë të dashur, të cilet kanë kontribuar dhe po kontribojnë shumë në trojet shqipëtare.